نئی دہلی24؍ ستمبر (ایس او نیوز؍آئی این ایس انڈیا)بنارس ہندو یونیورسٹی طلبا یونین کے سابق صدر اور کانگریس کے قومی جنرل سکریٹری موہن پرکاش نے آج کہا کہ بی یچ یواحاطے میں طالبات پرہوئی’’ وحشیانہ‘‘پولیس کارروائی پر وزیر اعظم نریندر مودی کو ملک کی تمام طالب علموں کو معافی مانگنی چاہئے۔انہوں نے یہ بھی کہا کہ رامناتھ کووندکو یونیورسٹی کے وزیٹر کے طور پر پورے معاملات کی جانچ پڑتال کرنے اور مجرموں کے خلاف کارروائی کرنے کے لیے ایک کمیٹی بناناچاہئے۔ پرکاش نے بی ایچ یو میں ہوئے ہنگامہ پر کہاکہ وزیر اعظم نریندر مودی کی قیادت والی حکومت طلباء و طالبات پر مسلسل وحشیانہ حملے کر رہی ہے۔یہ بدقسمتی کی بات ہے کہ جب طالبات اپنی شکایات کو لے کر کارکردگی کا مظاہرہ کر رہی تھیں، اس وقت مودی اپنے پارلیمانی حلقہ وارانسی میں موجود تھے اور شہر سے ان کے جاتے ہی طالبات پر لاٹھی چارج کر دیاگیا۔ کانگریسی لیڈر نے کہاکہ وزیر اعظم مودی کو ملک کے تمام طلبہ کو معافی مانگنی چاہئے۔خواتین کے قومی کمیشن کو ایک ٹیم بھی بی ایچ یو بھیجنی چاہئے تاکہ یہ معلوم ہو جائے کہ ظالمانہ پولیس کارروائی کی گئی تھی۔